Látum ekki aðrar þjóðir vaða meir yfir okkur.

Hvurn djöfulinn kemur það svíum við hvort við veiðum hval eða ekki? Við eigum ekki aðhlusta á þessa bjálfa sem þykjast vera einhverjir náttúrverndarsinnar, heldur að hefja hvalveiðar fyrir alvöru eins og var hér á árum áður. Hvað skyldu hvalirnir éta mörg hundruð þúsund tonn af okkar nytjafiski á einu ári? Ætli nátturuverndarliðið viti það? Hverskonar hræðsla er þetta við aðrar þjóðir sem gagnrýna okkur fyrir hvalveiðar? Við eigum ekki að láta einhverja fámenna útlenda þrýstihópa hafa áhrif á okkar ákvarðanir, það er komið nóg af slíku. Ég skora á tilvonandi ríkisstjórn að hvalveiðar verði hafnar á ný, ekki veitir af meiri atvinnu.

Skýr skilaboð frá Svíum

Varð loks að ósk sinni.

Loksins, loksins komast vinstri grænir í ríkisstjórn. Nú geta þeir loksins tekið til hendinni, hækkað skatta hækka opinbera þjónustu, þannig að fólkið í landinu stefnir lóðbeint á hausinn, því nóg er baslið fyrir. Það er kannski eina vonin að Simmi litli Davíð slái á puttana á þeim, því hann er eiginlega guðfaðir þessarar stjórnar. Vonandi verður þessi stjórn farsælli en sú fyrri í að koma einhverju lagi á efnahagsástandið og það sem fyrst það er ekki mikill tími til stefnu. Ef henni tekst það ekki á að senda alla þingmenn heim kauplausa og mynda utanþingsstjórn til næstu 4ra ára.

Húsfyllir hjá Vinstri grænum

Illugi er álitlegur.

Ég vil sjá Illuga Gunnarsson gefa kost á sér í formannskjör sjálfstæðisflokksins.

Fjórir þingmenn aðallega nefndir

Hörður að semja.

Er ekki bara Hörður að semja ný lög og ljóð.

Rólegt á Austurvelli

Sendi Geir og fjölskyldu bestu kveðjur.

Eg var mjög sleginn er frétt barst út að Geir Haarde forsætisráðherra hefði greinst með illkynja krabbamein. Mér hefur fundist að Geir hafi staðið sig nokkuð vel í þessu efnahagsöngþveiti og erfiðleikum sem yfir okkur hafa dunið. Þótt sumum sýnist annað. Það er ekkert smá álag sem fylgir því starfi sem stjórnmálamenn glíma viðþessa dagana, fólk vill oft gleyma því. Ég óska Geir alls hins besta og von um skjótann og góðan bata.

Geir: Kosið í maí

Tillaga um stjórn.

Geir og hinir ráðherrarnir eiga að bjóða öllum þingmönnum á alþingi til samstarfs við að koma lagi á þann gífurlega vanda sem þjóðin á í. T.d gæti Steingrímur verið aðstoðarforsætisráðherra, Ögmundur aðstoðarfélagsmálaráðherra, Valgerður Sverrisd aðstoðarviðskiptaráðherra, Siv aðstoðarheilbrigðisráðherra, Guðjón Arnar aðstoðarsjávarútvegsráðherra, Kolbrún Halldórsd aðstoðarumhverfisráðherra, o.s.frv. Ef allir þingmenn stæðu saman í að leysa vandann í stað þess að vera sífellt að rífast og kenna hvor öðrum um hitt og þetta, þá myndi allt ganga mikið betur þingmenn myndu þa einbeita sér allir að vandanum og úrlausnir gengju hraðar fyrir sig. Fyrsta mál þessarar stjórnar ætti skylirðislaust og sem fyrst að skipa nýja stjórn í Seðlabankann og Fjármálaeftirlitið og ráða nokkra bestu hagfræðinga heims til aðstoðar, þá myndi traust okkar erlendis aukast smátt og smátt, en það er ekkert eins og er.

Andlega bilaður maður.

Það er alltaf hætta á því að fólk með annarlegar hvatir blandi sér inn í mótmælafundi og mótmælagöngur í þeim eina tilgangi að efna til illinda og ofbeldis og skemmdarverka. Þessi náungi sem er að hóta lögreglumanni og fjölskyldu hans er auðsjáanlega eitthvað vanheill, vonandi tekst að hafa upp á honum og færa hann á viðeigandi stofnun. Lögreglan á engan þátt í efnahagshruninu hún er bara að sinna sínum skyldustörfum.

Nafnbirtingin grafalvarlegt mál

Ljós punktur.

Þetta kemur sér vel nú í öllum niðurskurðinum sem leiðir af sér aukið atvinnuleysi, minni skatttekjur,sem leiðir af sér enn meiri niðurskurð og enn meira atvinnuleysi, sem þýðir enn minni skatttekjur, hvar endar þetta eiginlega.

Flýta hækkun atvinnuleysisbóta

GLEÐILEG JÓL.

þá eru blessuð jólin að ganga í garð, fyrstu kreppujól sem upplifum og vonandi þau síðustu. Skammdegið fer að hopa og sólin hækkar smá saman á lofti. Það er alltaf bót fyrir sálartetrið þegar daginn fer að lengja. Ég óska öllum gleðilegra jóla og guðsblessunar á nýju ári.

SAMT OF HÁ LAUN....

Hvað hefur sá til brunns að bera sem hefur 18 millj. í árslaun auk ýmissa fríðinda sem ábyggilega skifta hundruðum þúsunda? Ætli venjulegur starfsmaður bankans sé ekki með um 3.5 millj. í árslaun ef það nær því. Svo er þessi forstjóri einn af þeim sem var í liði útrásarvíkinga og tók þátt í bruðlinu og spillingunni innan bankans. það vekur ýmsar spurningar.

Forstjóri Landsbankans lækkar í launum