Fólk taki upp prjónana.

Ég veit ekki hvað SJS er að meina. Hann er greinilega að búa til fjölmörg störf á skrifsstofu sinni. Öll þau störf sem hann talar um eru láglaunastörf og heimilisiðnaður. Nú eiga atvinnulausir að setjast niður með prjónana og fara að framleiða úr ullinni sokka, peysur vettlinga og hvaðeina sem má búa til úr ullinni. Svo eiga þeir sem í ferðaþjónustunni eru að vera með sölubása sem selja þessar prjónaafurðir útlendingum sem flykkjast til landsins vegna lágs gengis á krónunni, því gengið má ekki hækka því þá koma útlendingar ekki til landsins. Þess vegna verðum við að hafa háa verðbólgu og lágt gengi, annars skapast ekki 2- 3000 störf í ferðaiðnaði sem er mjög svo umhverfisvænn, segja vinstri grænir. Mér skilst að útlendingar hafi skemmt meira í óbyggðum á einu sumri en allir íslendingar frá landnámi.

Störf verða ekki til á skrifstofum stjórnmálaflokka

Athugasemdir

[Elías Bjarnason (IP-tala skráð) 9.4.2009 kl. 00:17]

Við sem munum meira en nokkra mánuði aftur í tímann, munum hvernig Framsókn og Alþýðuflokkur fóru með skipaiðnað á Íslandi. Þá átti Framsókn og fleiri flokkar fulltrúa í stjórn Slippstöðvarinnar, en sú stjórn var póitískt kjörin. Jón Sigurðsson, hagspekingur, fyrverandi ráðherra og núv erandi efnahagsráðgjafi Samfylkingar, þar til nýverið stjórnarformaður FME, stjórnarmaður í Seðlabankanum, fyrrverandi bankastjóri Norræna Fjárfestingabankans og.... ja..,, ég er örugglega að gleyma einhverju, en ágæti Jón beitti sér fyrir því að koma í veg fyrir að skipasmíðar á 'islandi kæmust hjá því að greiða ,,lántökugjald'' til ríkisins á sínum tíma (sem sagt ósanngjarnan skatt vegna erlendrar lántöku til nýsmýði). Sá tími var nú ekkert fyrir voðalega mörgum árum síðan! Valgerður Sverrisdóttir, þáverandi stjórnarmaður í stjórn Slippstöðvarinnar, lét sig hverfa úr þingsal þegar atkvæði voru greidd um þingsályktunartillögu þess efnis að undanskilja skipasmíðastöðvar á Íslandi frá lántökugjaldi. Á sama tíma voru íslenskar skipasmíðastöðvar að keppa við niðurgreiddar skipasmíðar innan Evrópubandalagsins, einsog og það hét þá árið 1990. Þetta varð til þess að skipasmíðar lögðust nánast af á Íslandi og eru í dag engar fyrir utan smábáta-plastsmíðar. Núna vilja ,,Modern Socialdemokratar'' = Samspillingin, hlaupa í fangið á afkvæmi EBE=ESB!

Ég skora á ykkur yngra fólk og ykkur sem ekki nenntuð að fylgjast með póitík hér fyrr á árum að fara nú í smá söguskoðun og rifja upp fyrir ykkur sjálfum hvað þessir fjórflokkar standa fyrir og útá hvað hlutirnir ganga frá degi til dags. Pólitík á Íslandi byrjaði ekki í Október 2008, Grímur alsherjargoði frá Gunnarstö-um í Þistilfirði settist ekki inná þing í fyrsta sinn við síðustu kosningar, frekar en heilög Jóhanna sem varla kann að segja nafnið sitt á dönsku!

[Hilmar Dúi Björgvinsson, 9.4.2009 kl. 10:09]

Hvað ertu að tala um láglaunastörf=eru einhver hálaunastörf í boði í þessu ástandi? -held ekki. Held að við þurfum að koma okkur niður á jörðina og fara að jafna kjörin í þessu landi-tækifærið er núna.

Þú segir að VG segja að ferðamannaiðnaðurin sé svo umhverfisvænn=þar er misskilningur hjá þér kallinn minn. hann er mengandi eins og allur iðnaður er sama hvort að það sé belja eða álver.við skulum bara hafa það á hreinu.

Og með það að útlendingar hafi skemmt meira en íslendingar er nú alveg fráleitt. ég held að þú þurfir að fara kynna þér sögu íslands.

En af hverju ertu svona á móti því að við íslendinga prjónum úr ullinni okkar?