Lýðurinn skal borga kreppuna.

Allar aðgerðir ríkisstjórnarinnar hníga aðeins í eina átt, almenningur í landinu á að greiða niður kreppuna. Þessar reddingar handa fólki í greiðsluerfiðleikum t.d. útgreiðsla séreignarsparnaðar verða nú teknar af fólki og miklu meira en það í formi hækkana á eldsneyti, áfengi og tóbaki, skattahækkunum og fleira og fleira. Einhvern bandorm er stjórnin með í smíðum sem gerir sjálfsagt endanlega útaf við fólkið í landinu. Hvað skyldi vera búið að afskrifa marga milljarða hjá glæpagenginu sem kom okkur í þessa aðstöðu?. Þeir geta leikið sér erlendis allsendis áhyggjulausir og gert það sem þeim sýnist. Sjálfsagt fá þeir fálkaorðuna áður en langt um líður, fyrir snilldartakta í fjármálum. Ríkisstjórnin er algjörlega ráðalaus og beitir því eina ráði sem hún kann, að hækka skatta eldsneyti og annað sem hún kallar munaðarvörur. Hvernig væri að fækka sendiráðum sem eru útum allan heim og eru það víst engin kot sem hýsa sendiherrana og skrifsstofurnar sem þarf í kringum þetta battery. Vonandi fellur þessi bölvaða stjórn áður en árið verður liðið.

Von á víðtækari aðgerðum