Varð loks að ósk sinni.

Loksins, loksins komast vinstri grænir í ríkisstjórn. Nú geta þeir loksins tekið til hendinni, hækkað skatta hækka opinbera þjónustu, þannig að fólkið í landinu stefnir lóðbeint á hausinn, því nóg er baslið fyrir. Það er kannski eina vonin að Simmi litli Davíð slái á puttana á þeim, því hann er eiginlega guðfaðir þessarar stjórnar. Vonandi verður þessi stjórn farsælli en sú fyrri í að koma einhverju lagi á efnahagsástandið og það sem fyrst það er ekki mikill tími til stefnu. Ef henni tekst það ekki á að senda alla þingmenn heim kauplausa og mynda utanþingsstjórn til næstu 4ra ára.

Húsfyllir hjá Vinstri grænum

Athugasemdir

[Jóhannes Ragnarsson, 28.1.2009 kl. 00:10]

Áttu við að VG muni beita sér fyrir að hækka gjöld á sjúklinga?

[Guðmundur (IP-tala skráð) 28.1.2009 kl. 00:19]

Það er nú meiri skattahræðslan varðandi vinstri stjórn. Veit ekki betur en að sjálfstæðisráðherrarnir séu búnir að vera hækka skatta og setja allskyns álögur á okkur borgarana. Ég held að kominn sé tími fyrir kjósendur sjálfstæðismanna að taka plankann úr auganu til að sjá hvar rót vandans liggur.

[Þór (IP-tala skráð) 28.1.2009 kl. 00:33]

Ég get ekki ímyndað mér að það sé einlæg ósk neins að fara í ríkisstjórn við þessar aðstæður. Svo að lítilsháttar sanngirni sé gætt.

Réttast væri að íhaldið héldi sig bara á mottunni á meðan verið er að hreinsa burt ruslið eftir það.

[Guðmundur Ásgeirsson, 28.1.2009 kl. 01:14]

Reyndar hefur krónan styrkst um 6,72% frá því fyrir byltingu, svo eitthvað hlýtur að vera á réttri leið!

[Andrés Kristjánsson (IP-tala skráð) 28.1.2009 kl. 01:49]

Staðan er gríðar erfið. Og þykir mér aðdáunarvert að menn reyni að verja félagslegakerfið því ekki verða miklir peningar til skiptana. Sé gefið að 2009 fyrir hrun þegar allt lék í lyndi þá gerðu menn sér gloríu um 500 milljarða í tekjur sem færu í hin ýmsu verkefni. Eftir hrun þá erum við að tala um 350 milljarða (má leiðrétta en mig mynnir 30% tap vegan hruns). Til að mæta þessu fyrir utan, að halda uppi lágmarksþjónustu þá koma inn skuldir (2200 milljarðar).

Sé vaxtarkostnaður tekinn inn þá hlýtur hann að lyggja einhverstaðar í 110 milljörðum miðað við 5% vexti. þá eru 240 milljarðar eftir. Ég geri ekki ráð fyrir að af höfuðstól skulda sé greiddur niður, því ekki veit ég hversu langann tíma menn gáfu í það. (40 ár C.A 55 milljarðar). Ekki er sanngjarnt að ræða um þetta á brúttó forsendum því við greiðum af lánum og vöxtum af brúttó kostnaði unns/ef að eignir seljast.

Ég vona að menn geri sér grein fyrir hvurslags búi við er tekið.