Innilega sammála.

Ég er heilshugar sammála Illuga, umræðan í þessu þjóðfélagi er orðin slík og á svo lágu plani að manni er hætt að standa á sama. Fólk níðir niður og ber allskyns óhróður um ýmsa stjórnmálamenn og aðra í dagblöðum, bloggi og víðar, er ekki nóg komið af slíku, ættu menn ekki kannski að líta í eigin barm, og taka aðeins til í eigin sálartetri, í stað þess að vera í tómu skítkasti um aðra.

„Þessu verður að linna“

Hætt í sandkassaleik.

Vonandi að sem flestir af þessum gömlu afdönkuðu og spilltu stjórnmálamönnum sjái sóma sinn í því að hætta þingmennsku, eða eins og hún sjálf orðaði það réttilega ,, sandkassaleik,,. Kannski hræðslan um að vera dregin til ábyrgðar í efnahagshruninu sé farin að segja til sín hjá þeim sem ætla að hætta þingmennsku.

Valgerður ekki í framboð

Hvað er ríkisstjórnin að gera?

Hverjir voru það sem höfðu hvað hæst um að fyrrverandi ríkisstjórn upplýsti ekki almenning um gang mála í efnahagsaðgerðum? Mig minnir að það hafi aðallega verið Vinstri Grænir. Eftir að þeir hrifsuðu til sín völdin ásamt samfylkingunni er upplýsingastreymið ekki betra nema siður sé. Yfirleitt þarf að tog hvert einasta orð uppúr ráðherrunum, og svörin yfirleitt mjög loðin og oft á tíðum illskiljanleg, það er verið að athuga þetta og hitt nefndir að skoða málin. Það hefur ákkúrat ekkert verið gert eftir að þau tóku við, sama óvissan. Fólk bíður ekki mikið lengur eftir lausnum, hengingarólin er farin að herða illþyrmilega að hálsum þúsunda. Ég legg það til að forystumenn þessarar ríkisstjórnar haldi blaðamannafundi tvisvar í viku og segi þjóðinni hvað stjórnin sé að gera, og hvaða úrræði hún sé búin að gera og séu orðin virk. Þingmenn verða að gera sér grein fyrir því, að þeir eru í vinnu hjá okkur sem kusum þá. Þeir eru ekki í vinnu hjá sínum flokkum. Við, þjóðin borgum þeim laun. Þeir vrðast alltaf gleyma því um leið, eftir hverjar kosningar. Ef einhver maður mundi ráða mig til að byggja fyrir sig hús, og ég mundi eyða 4 mánuðum í að liggja yfir teikningum á fullum launum, án þess að byrja nokkuð á að byggja húsið. Hann mundi náttúrulega reka mig og ráða annan verktaka. Við, þjóðin getum rekið alla þingmennina heim, með því að kjósa þá ekki í næstu kosningum. Strika yfir alla sitjandi þingmenn í næstu kosningum.

Hættið þá þrasa um ......

Hvernig væri þá að fara að gera eitthvað af viti, í staðinn fyrir eintóm rifrildi og þras um innantóm málefni þið voruð ekki kosin á þing til þess. Þið skuluð gera ykkur grein fyrir því. Ekkert ykkar á öruggt þingsæti eftir næstu kosningar ef þið farið ekki að vinna vinnuna ykkar, þið skuluð líka gera ykkur grein fyrir því. Á þessu landi bíður fólk ekki mikið lengur eftir úrlausnum, hengingarólin er farin að herðast illilega að hálsum þúsunda, meðan þið þrasið einsog smákrakkar á alþingi.

Niðursveiflan meiri

Íslendingum mun fækka mikið.

Ef fram fer sem horfir í efnahagsmálum hér á landi, og ört vaxandi atvinnuleysi, munu íslendingar leita sér eftir vinnu í öðrum löndum í mörg þúsunda vís. Mér kæmi ekki á óvart þó að 50000 manns flyttust af landinu á þessu ári og næsta. Það kemur því ekki mikið í ríkiskassann af skattpeningum næstu árin. Mér finnst allt benda til þess að landið verði gjaldþrota áður en langt um líður.

Íslendingar á leið til Kanada

Reka, reka, reka.

Mér finnst þessi ríkisstjórn vera orðin býsna rússnesk í sér. Ráðherrarnir reka embættismenn hægri vinstri, bara af því þeim líkar ekki við þá. Er ekki oft verið að hengja bakara fyrir smið.

 

Björn: Réttmæt ábending Davíðs

Aumt er að sjá.

Samsuða þessarar ríkisstjórnar minnir mig á vísu eftir Bólu Hjálmar.  Aumt er að sjá í einni lest    áhaldsgögnin slitin flest    dapra konu drukkinn prest     drembinn þræl      og meiddan hest.

Ný stjórn hefur 83 daga til stefnu

Sami grautur í sömu skál.

Ætli þetta verði ekki sama ástandið og var, en ef það verða ekki strax gerðar einhverjar leiðir til bjargar heimilum í landinu og fyrirtækjum gert kleyft að halda áfram rekstri, þá getur þessi stjórn pakkað saman og farið sína leið. Ég er algjörlega búinn að missa alla trú á pólítikusum. Best hefði v erið að skipa utanþingsstjórn, og senda alla þingmenn heim, kauplausa.

Lofum engum kraftaverkum

Flaustursleg vinnubrögð.

Fljótfærni og ásókn í völd hafa einkennt þessar viðræður vinstri grænna og samfylkingar, afhverju höfðu þau ekki framsókn með í stjórnarviðræðunu og þessa hagfræðinga á þeirra vegum? Það hefur sýnt sig frá byrjun að framsókn fer með lykilhlutverk í þessu ráðabruggi. Dýrmætur tími hefur farið í eitthvað rugl sem framsókn sættir sig ekki við, eins og svosem við var að búast af tveimum öfgaflokku sem geta ekki komið sér saman um neitt sem er í andstöðu við flokkshagsmuni. Svo leikur framsókn sér af þeim eins og köttur af mús,með sína spilltu eiginhagsmunaáráttu,skíthræddir um að þessi samsuða muni ætla sér að hrófla eitthvað við gæðingum þeirra sem hafa makað krókinn á kostnað annara í þessu landi. Ég held að allir þessir flokkar ættu að sjá sóma sinn í því að koma þessu í gang sem fyrst, ástandið hér þolir enga bið. Annars verða þessir aðilar sér að algeru atlægi sem mun ekki verða þeim til fradráttar í komandi kosningabaráttu.

Ný ríkisstjórn eftir helgi

Eldsneytisverð lækkar ekki.

Nú hefur krónan styrkst töluvert í janúarmánuði, dollarinn lækkað um 15 kr. eða meira evran og pundið lækkað líka, samt lækkar ekki eldsneytisverð. Það þyrfti að hafa öflugt eftirlit með olíufélugunum, þau haga sér eins og þeim sýnist. Þau eru fljót að hækka verðið ef hækkanir verða á heimsmarkaðsverði. Olíverð hefur verið býsna lágt undanfarið en olíufélögin hafa þá kennt um gengisfalli krónunnar, hverju kenna þau nú um þegar gengið styrkist? Kannski miklum birgðum á háa verðinu. Þau eiga allavega litlar birgðir þegar verð hækkar erlendis. Mér fynst að neytendasamtökin eða verðlagseftirlitið ættu að fylgjast betur með þessum olíufurstum.